The following is a statement from the Oromo Liberation Front (OLF) in three languages: Afan Oromo, English and Amharic. For the Amharic version, please click here (pdf file).
—————————–
Military Response can never solve political questions
Statement of the Oromo Liberation Front
Different Nationals under the Tigray People’s Liberation Front (TPLF) oppressive rule in Ethiopia have been protesting using different means. They have been exposed to tyrannical, oligarchy, nepotism, ethnic discrimination and destitution caused by blatant economic exploitation. The Oromo people, in particular, have been subjected to unbearable misery ever since the time of conquest. Every attempt to alleviate the burden of this subjugation has been dealt using violent military campaigns and all sorts of repressive measures. One of such measures is misrepresenting people’s demands, and use it to pit them against each other.
The peoples’ legitimate demand for their rights has been confronted by violent suppression; killings, tortures and other ways of repression by the TPLF regime. The current violent repressive measures against the Oromo protesters, in which tens of youth were killed and as many more are wounded by daylight campaign last week, are a vivid evidence of this.
As if unleashing of its massive military power against the peaceful demonstrators is not enough, the TPLF regime is conspiring to pit Tigrayan nationals living outside Tiray against the hosting people by secretly exclusively arming the former with Kalashnikov improvised with lenses imported from China for snipers. This is further evidence for the sinister motif the TPLF regime has for Ethiopia.
The OLF condemns such moves that target, not only the Oromo people, but all the peoples in Ethiopia – who are peacefully demanding their legitimate rights. We want to affirm to all the peoples in Ethiopia in general, and the Tigrayan people in particular, that our struggle never targets any particular people, but the tyrannical oligarchic system run by the TPLF, that subjugates all the peoples, including the Tigrayans. This position has been put forward from the inception of our organization that all the peoples in Ethiopia are friends of our struggle, and any national has the right to live and work in liberated Oromia. Hence, we call upon all the nationals not to heed to the defamation campaign that misrepresents our legitimate struggle, but to fully support and side with the Oromo people.
The guarantee for future co-existence is not perpetuating military subjugation, but mutually acknowledging and practically accepting the legitimate right of every people. We urge the Tigrayan nationals in Oromia to reject the move by the TPLF to exclusively arm them – which will eventually be used to pit them against the Oromo and other nationals. We forewarn that the TPLF is the sole culprit of any subsequent disaster that this move is poised to cause. We urge all sectors of the Oromo national, both at home and abroad, to intensify the struggle to get rid of the over century-old subjugation once and for all.
Victory to the Oromo People!
Oromo Liberation Front
May 5, 2014
Tarkaanfiin Humnaa Yoomiyyuu Furmaata Rakkoo Siyaasaa Hin Tahu!
Ibsa Adda Bilisummaa Oromoo
Ummatootni Itoophiyaa bittaa Wayyaanee jalatti miidhaa ol aanaa irra gahu irraa yeroo gara garaatti bifa adda addaan mormii isaanii dhageessisaa turan. Bulchiinsa dimokraatawaa irra, abbaa-irrummaan nam-tokkee fi murna aangoo irra jiruu dagaagfamuun, wal qixxummaan ummatootaa haalamee, kan murna aangoo qabaatee jiruu dhugoomfamuun, saamicha daangaa darbeen hiyyummaan babal’atuun rakkoolee ummatoota Itophiyaa hudhanii qabanii fi jireenya gadadoof saaxilani dha. Ummatni Oromoo addatti gabrummaa jala erga galee gadadoo ilmi namaa baachuu hin dandeenye.en dhiphamaa as gahe.
Rakkoolee siyaasaa Itophiyaa keessatti mul’atan kanneen furuuf gaaffiin karaa nagaa godhamu gurra dhaga’u dhabuu irraa ummatoota obsa fixachiisee gara fincilaatti jijjiiramuu irraa lubbuu fi qabeenya galaafataa akka turee fi jiru dhokataa miti. Yaaliin ummatootni karaa nagaa mirga isaanii kabajsiifatuuf adeemsisan mootummaa Wayyaanee biratti fudhatama dhabee ajjeechaa, hidhaa fi dararaa adda addaan ummatoota caalaatti miidhuu fi dhiphisuun tarkaanfii sirna aangoo irra jiruun fudhatamaa jiru dha. Ammas taanaan kanaan alatti furmaatni biroo kan itti hin mul’atne tahuu, sochii nagaa barattoota, dargaggoota fi ummata Oromoo irratti tarkaanfiin fudhataa jiru haala hin mamsiisneen mirkaneessa.
Gaaffii barattootaa fi ummata Oromoo irraa karaa nagaa dhihaate nagaan deebisuu irra mootummaan Wayyaanee humna filatee guyyaa saafaa tarkaanfii fudhateen lammiilee Oromoo kudhanootaan lakkaa’aman ajjeesee kudhanootaan madeessuu fi qabeenya hedduu barbadeessuun haqa torbee dabre Oromiyaa bakkoota adda addaatti raawwatamee fi hundi argee fi dhaga’e dha.
Mootummaan Wayyaanee tarkaanfii gara-jabinaa fi faashistummaan fudhate kanaan hin quufne tarkaanfii caalaatti ummata wal ficcisiisuu fi walitti diinomsu fudhataa jiraachuun ammoo dhugaa kan biroo mul’atuu fi maalummaa mootummaa Wayyaanee caalaatti saaxiluu fi hubachiisu dha. Sirni murna aangoo dhuunfateen durfamu kun abdii kutannaa irraa sodaa isaaf waahela barbaacha dhalattoota Tigraay barnoota irra jiranii fi ummata keessaa hidhachiisuutti tarkaanfatuun, garamitti akka geessuu barbaadu hubachuu feesisa. Addatti ummata Tigraay keessaa kanneen dhiira tahan Finfinnee keessatti ganda gandaan Kalaashii (AKM- Sniper) Chaayinaa irraa bite mataa mataan hidhachiisaa jira. Gochaan kun balaa Itophiyaa keessatti Wayyanneen qopheessaa jiru sadarkaa biraatti ol tarkaanfachiisaa akka jiru agarsiisa.
Kana malees sirni Wayyaanee barattoota Oromoo Yuniversiitiilee adda addatti barnoota irra jiran barnoota dhiisanii akka deeman dhiibbaa ol aanaa irraan gahuutti dabalee, Yuniversiitiilee gara garaa keessaa kitaabota dhimma Oromoo qaban filee guuruudhaan dhabamsiisuu irratti argama. Tarkaanfiileen kanneenis tarkaanfiilee abdii kutannaa fi farrummaa tahuun hin falamsiisu.
ABOn tarkaanfiilee sirni Wayyaanee ilmaan Oromoo fi ummatoota biroo irratti fudhataa jiru haalaan balaaleffataa, tarkaanfiin kun ummata Oromoo qofa osoo hin taane ummata fayyaaleyyii fi kanneen mirga isaanii gaafatan hunda irratti kan xiyyeeffate tahuu yaadachiisa. Tarkaanfii fudhatame kanaan dhiiga ummata nagaa kamiyyuu dhangala’uufis kan itti gaafatamu sirnicha tahuu garanumaan beeksisaa, ummatootni hundis meeshaa waraanaa ummatoota adda filuun qoodamaa jiru kana akka balaaleffatan hubachiisa. Kanneen dhaloota Tigraay tahanii fi Oromiyaa keessa jiraatan, meeshaan mootummaan Wayyanee isaan hidhachiisaa jiru balaa biraa fi yakka biraaf isaan saaxiluu irra darbee, akka isaan hin fayyadne gorsaa, akka mootummaatti of irraa deebisan waamicha godha. Wabiin keessan ummata waliin jiraattan waliin nagaa qabaatuu fi mootummaa farra-ummataa kanaaf tajaajiluu dhaabuu qofa akka tahe yaadachiisa.
Mootummaan Wayyaanee yeroo fi haala amma geenyee jirru kanatti, rakkoo fi gaaffii haqaa ummatni Oromoo dhiheessa jiruuf deebii quubsaa kennuun alatti, tarkaanfiin humnaa kamiyyuu furmaata akka hin tahiin ABOn irra deebi’uun gadi jabeessee hubachiisa.
Qabsoo ABO fi Ummatni Oromoo godhaa jiran, mirga ofii deebifachuu fi sirna gabroomfataa of irraa darbachuuf tahuu ummatoota hundaaf carraa kanaan ifa goona. Qabsoon Bilisummaa Oromoof godhamu ummata kamuu irratti kan xiyyeeffate miti. Akka sagantaa siyaasaa ABO 1976 irratti jalqabumaa kaasee lafa taa’eetti, ummatootni Itophiyaa keessa jiran hundi fira qabsoo bilisummaa Oromoo ti. Oromiyaa bilisoomte keessattis heeraa fi seera biyyaa kan kabaju, ummata kamuu irraa kan dhalate, jiraaatuu fi hojjatuuf mirga qaba.
Kanaaf, ummatootni hundi olola sirna cunqursaa fallaa kanaa oofamuun dhaamotuu dhiisanii Qabsoo Bilisummaa Ummata Oromoo sirna cunqursaa waliin wal hudhee jiru kanaaf deggarsa guutuu akka kennan ABOn waamicha godhaaf.
Ummatni Oromoo gaaffii haqaa mirga isaa kabajchiifatuuf qabatee ka’e alaa fi keessaan murni hawaasa Oromoo hundi akka wal qabatee socho’u, waanjoo gabrummaa jaarraa tokkoo fi walakkaa irratti shamee jiru of irraa darbatuuf harka wal qabatee akka sochii isaa finiinsu waamicha isaa gadi jabeessee dabarsa.
Injifannoo Ummata Oromoof!
Adda Bilisummaa Oromoo
Caamsaa 5, 2014
No comments:
Post a Comment